AA-húsið við Blöndubyggð 1 í gamla bænum á Blönduósi var byggt um 1925. Húsið var stækkað 1933 og var þar verslun Kristins Magnússonar. Kaupfélag Húnvetninga opnaði þar útibú árið 1944. Var þá Kristins Magnússon útibússtjóri. AA samtökin fá húsið skömmu fyrir síðustu aldamót og er það þá mikið endurbætt. Í dag er AA-húsið svokallaða partur af Hótel Blönduósi. Búið er að taka húsið allt í gegn og kláruðust endurbætur vorið 2025. Í húsinu eru tvær luxus íbúðir, önnur með eldhúsi, báðar með sér inngangi, baðherbergi, svefnherbergi og sér palli.
Hægt er að opna á milli íbúðanna og leigja allt húsið sem eitt.

Einstakt útsýni er frá báðum íbúðum, en húsið stendur við ósa Blöndu við sandfjöruna í gamla bænum á Blönduósi. Íbúðirnar eru hvor um sig með tveggja manna herbergjum.